قصة مثل

قصة مثل:

من الامثال التي تدور كثيرا ومرارا وتكرارا على ألسنتنا
(طب الجرة على تمها بتطلع البنت لأمها )
-------------------------------------------



(تفسير المثل السوري)
عندما كانت البيوت عربية وكان في أرض ديار وليوان وسطح وبيت مونة
كانت الأم دائما تنشر الغسيل على السطح لأنو السطح شبه محرم على البنات وكانت البنت تحوص بأرض هالديار
ووقت الأم بدها شي من بنتها أكيد ما كانت تصرخ علشان تناديها... لإن كانوا بوقتها يعتبروا صوت المرأة عورة..
مشان هيك كان في دائما جرة على السطح
لمّا الأم بدها تنادي البنت كانت تقلب الجرة وتطبها على تمها وكان يطلع صوت من اصطدام الجرة بالأرض
ولما بتسمع البنت هاد الصوت بتعرف أنو أمها بدها منها شي وبتطلع لعندها
وهيك صار المتل طب الجرة على تمها بتطلع البنت لأمها.
هذا المثل يدل على الأدب والحشمة التي كن نساء ذلك العصر يتمتعن بها.
يعني مو متل مانكن مفكرين إنو طباع البنت نفس طباع الأم.
وبذلك نكون قد تعرفنا على معنى مثل طب الجرة على تمها تطلع البنت لأمها.